 |
Mülki hüquq kafedrası 1928-ci ildə yaradılmışdır. O dövrdə kafedraya professor V.N.Dyakov rəhbərlik etmişdir. 1937-1952-ci illərdə Mülki hüquq kafedrasına görkəmli hüquqşünas alim, professor Qasım Cəfərov rəhbərlik etmişdir. 1952-1990-ci ilədək Mülki hüquq kafedrasının müdiri vəzifəsində h.ü.e.d., professor Əziz İsmayıl oğlu Əsədov çalışmışdır. 1990-2003-cü illərdə kafedraya professor Y.Ə.Mehdiyev rəhbərlik etmişdir. 2007-ci ildən kafedranın müdir əvəzi vəzifəsini dosent R.S.Dünyamalıyeva həyata keçirmişdir. 2011-ci ildən 2023-ci ilə dək kafedraya h.ü.e.d., professor M.D.Dəmirçiyeva rəhbərlik etmişdir. 2023-ci il may ayının 4-dən kafedraya h.ü.f.d., dosent Şükür Məhəmməd oğlu Yusifov rəhbərlik edir. Hal-hazırda kafedrada 8 müəllim, o cümlədən 1 hüquq elmləri doktoru, professor, 6 hüquq üzrə fəlsəfə doktoru və bir müəllim çalışır. |
Kafedrada bakalavr təhsil pillələri üzrə Mülki hüquq-1, Mülki hüquq-2, Ailə hüququ, Roma hüququ, Vərəsəlik hüququ, Mənzil hüququ, Notariat hüququ, Delikt hüququ; magistr tədris pilləsi üzrə isə Ailədə uşaqların tərbiyəsinin sosial və hüquqi problemləri, Məhdud əşya hüququ, Mülki təminat hüququ, Ümumi öhdəlik hüququ, Əmlakın istifadəyə verilməsi üzrə öhdəliklər, Mülkiyyət üzərində sərəncamvermə öhdəliyi əmələ gətirən müqavilələr, Mülki hüququn iqtisadiyyatın tənzimlənməsində rolu fənləri üzrə mühazirə və məşğələ dərsləri tədris edilir.