Bakı Dövlət Universiteti Hüquq fakültəsi

Kriminalistika laboratoriyası 1948-ci ildə Hüquq fakültəsinin Cinayət hüququ kafedrasının nəzdində yaradılmışdır. Kriminalistika laboratoriyası 1968-ci ildə Cinayət prosesi və kriminalistika kafedrasının, 1979-cu ildən isə bu günədək Krimina­listika və məhkəmə ekspertizası kafedrasının nəzdində fəa­liy­yət göstərir. Tələbələrlə təcrübi məşğələlərin keçirilməsi, onlara kriminalistik vasitələrin, üsul və metodlarının tədrisi  üçün laboratoriya maddi-texniki vasitələr və materiallarla təchiz edilmişdir.

Kriminalistika laboratoriyası “Kriminalistika” fənninin tədrisi prosesində istintaq hərəkətlərinin apa­rıl­­­­ma­sı zamanı kriminalistik fotoqrafiyanın tət­­­­biqi; tra­­­soloji izlərin (əl, ayaq, nəqliyyat vasitələri, sın­­­dırma alət və vasitələri) aşkar edilməsi, qeyd edil­­­məsi və götürülməsi; dak­tiloskopik qey­diy­­ya­­tın aparılması; istintaq baxışı və şəxsi müayinə; axtarış və götürmə; istintaq eksperimenti; ifadələrin yerində yoxlanılması; tanınma üçün təqdim etmə; məhkəmə ekspertizasının təyin edil­mə­­­­­si və aparılması, eləcə də digər istintaq hərəkətlərin praktiki tərəflərinin öyrənilməsində tələbələrə yardımçı olub, onlara təcrübi bilik, bacarıq və vərdişləri aşılayır. Tələbələr laboratori­ya­­da sübutların yaranma qanunauyğunluq­ları, onların aşkar edil­məsi, qeyd olunması, gö­­­tü­rülməsi, qablaşdırılması, saxlanılması, təd­­­qi­qi, qiymətləndirilməsi və əldə edilən nə­ti­­­cələrdən istintaqın bu və ya digər hallarının araş­­­dırılmasında istifadə edil­məsi problemləri üz­­rə təcrübə mübadiləsi aparır, onların sınaqdan keçirilməsi məsələlərini öy­­rənirlər. Labora­to­­riyada aparılan təcrübi iş­lə­rin əsas məqsədi tə­ləbələrin tədrisdə aldıqları nə­zəri biliklərinin möh­kəmləndirilməsi, yox­la­nılması, təcrübi bacarıq və vərdişlərlə əlaqələndirilməsindən iba­rət­dir.