Bakı Dövlət Universiteti Hüquq fakültəsi

Bakı Dövlət Universiteti Hüquq fakültəsinin dekanı Zaur Əliyev Ədliyyə Akademiyasında iki gün ərzində hakimliyə namizədlərə mühazirə oxumuşdur. Mühazirələr Avropa İnsan Hüquqları Konvensiyasının 8-ci maddəsi (Şəxsi həyata və ailə həyatına hörmət hüququ) və 9-cu maddə (Fikir, vicdan və din azadlığı) mövzularını əhatə etmişdir. Hüquq fakültəsinin dekanı Avropa İnsan Hüquqları Məhkəməsinin presedent hüququ əsasında 8-ci və 9-cu maddələri şərh etmişdir. Mühazirə hakimliyə namizədlər tərəfindən böyük maraqla qarşılanmış, onların çoxsaylı sualları cavablandırılmışdır.