Bakı Dövlət Universiteti Hüquq fakültəsi

22 noyabr - ədliyyə işçilərinin peşə bayramı günü ərəfəsində Ədliyyə nazirliyi tərəfindən Baku Marriot Hotel Boulevardda ədliyyə sahəsində tətbiq olunan yeni rəqəmsal innovasiyaların ictimai təqdimatı keçirilmişdir. Tədbirdə Hüquq fakültəsi geniş heyətlə - dekan Zaur Əliyev, Sosial məsələlər və tələbələrlə iş üzrə dekan müavini Aytəkin İbrahimova və 15 nəfər tələbə ilə təmsil olunmuşdur. Tədbirdə rəqəmsal ədliyyənin bir sıra platformalarının təqdimatı keçirilmiş, ədliyyə xidmətlərinə əlçatanlığın daha rahat olması üçün Nazirliyin tətbiq etdiyi mobil tətbiqlər barədə tədbir iştirakçılarına geniş məlumat verilmişdir.