HÜQUQ OLİMPİADASININ I MƏRHƏLƏSİ KEÇİRİLDİ

7 Oktyabr 2023 16:55

Cari ilin 7 oktyabr tarixində Bakı Dövlət Universiteti Hüquq fakültəsi Tələbə Gənclər Təşkilatının təşkilatçılığı ilə Heydər Əliyev İli çərçivəsində tədbirlər planına uyğun olaraq Hüquq Olimpiadasının 1-ci mərhələsi keçirilmişdir.

Xüsusilə vurğulamaq istərdik ki, bu olimpiada Hüquq fakültəsinin məzunu, Vətən müharibəsi şəhidi Ceyhun Şalıyevin əziz xatirəsinə həsr olunub.

İki mərhələdən ibarət olan Hüquq Olimpiadasının 1-ci mərhələsi - test işi şəklində (hər fəndən 5 sual olmaqla, Hüquq nəzəriyyəsi, Konstitusiya hüququ, İnzibati hüquq, Mülki hüquq, Cinayət hüququ - cəmi 25 sual) təqdim olunmuşdur.

Hər bir iştirakçıya 45 dəqiqə vaxt verilmişdir.

Olimpiadanın keçirilməsi zamanı şəffaflığın, məxfiliyin və obyektivliyin qorunması üçün lazimi tədbirlər görülmüşdür.

Olimpiadanın 1-ci mərhələsini müvəffəqiyətlə keçən tələbələr 2-ci mərhələdə iştirak hüququnu qazanacaqlar.

Olimpiadanın nəticələri yaxın günlərdə elan olunacaqdır.