Bakı Dövlət Universiteti Hüquq fakültəsi

9 mart 2023-cü il tarixində Avropa Şurasının Azərbaycan Respublikasındakı Ofisinin rəhbəri, səfir Petr Zix Bakı Dövlət Universitetinin Hüquq fakültəsinin tələbələri ilə görüşmüşdür. Görüşü açıq elan edən Hüquq fakültəsinin dekanı Zaur Əliyev ilk dəfə olaraq Avropa Şurasının ölkəmizdəki nümayəndəliyinin rəhbərinin Hüquq fakültəsinin tələbələri qarşısında mühazirə ilə çıxış etdiyini vurğulayaraq bunun Hüquq fakültəsi ilə Avropa Şurası arasında tədris sahəsində səmərəli əməkdaşlıq əlaqələrinin mövcudluğunun mühüm göstəricisi olduğunu vurğulamışdır. Sonra səfir P.Zix “Avropa Şurası hüququnun əsasları” mövzusunda mühazirə söyləmişdir. Səfir tələbələrə Avropa Şurasının tarixi, əsas fəaliyyət istiqamətləri və onun yaranmasını şərtləndirən tarixi-siyasi mühit barədə ətraflı məlumat vermişdir. Daha sonra Avropa Şurasının hazırki fəaliyyətindən bəhs edən səfir, Azərbaycanın üzvlüyünün əhəmiyyətini vurğulamış, Azərbaycanın tərəfdaş olduğu konvensiyaların implementasiyasından danışmışdır.

Cənab Zix həmçinin Avropa Şurasının fəaliyyəti ilə yanaşı, konvensiyaların hazırlanma və qəbul olunma prosedurundan da söz açmışdır.

Sonda P. Zix tələbələrin suallarını cavablandırmışdır.