Bakı Dövlət Universiteti Hüquq fakültəsi

Bakı Dövlət Universitetinin Hüquq fakültəsinin dekanı Zaur Əliyevin rəhbərliyi ilə fakültənin müəllim və tələbə heyəti Strasburq Universitetində olmuşlar. 1621-ci ildən fəaliyyət göstərən Strasburq Universitetində Hüquq fakültəsinin müəllim və tələbə heyəti ilə görüş keçirilmişdir. Görüş zamanı Strasburq Universitetinin Hüquq fakültəsinin professorlarının mühazirələri dinlənilmişdir. Hər iki universitetin müəllim və tələbə heyəti arasında faydalı fikir və təcrübə mübadiləsi aparılmışdır. Dekan Zaur Əliyev maraqlı mühazirələrə və görüşə görə Universitetin müəllim və tələbə heyətinə öz təşəkkürünü bildirmişdir.